USAID-ს და GREDA-ს ერთობლივი პროექტი – განათლებისა და ცნობიერების ამაღლების სამსახურში

​

USAID-ის და GREDA-ს ერთობლივი საგანმანათლებლო პროექტის ფარგლებში, 17 მარტს მწვანე სკოლის მოსწავლეებთან შეხვედრა გაიმართა.

 

GREDA-ს პროექტის მენეჯერმა, მატა გორდეზიანმა მოსწავლეებს ენერგეტიკის დარგში არსებული პროფესიები გააცნო, გარემოსდაცვითმა სპეციალისტმა სალომე მეფარიშვილმა გარემოს დაცვაში მოსახლეობის ჩართულობის მნიშვნელობაზე ისაუბრა.

​

სპეციალურმა სტუმრებმა საქართველოს განახლებადი ენერგიის კომპანიიდან, ფინანსურმა დირექტორმა ნუკა მშვიდობაძემ და პროექტის მენეჯერის მოადგილემ ეთერ ხინჩიგაშვილმა პირადი გამოცდილება გაუზიარეს მოსწავლეებს და სფეროში არსებული სიახლეები გააცნეს მათ.

​

ათთვიანი საგანმანათლებლო პროექტი მიზნად ისახავს უფროსკლასელებში განახლებად ენერგიასა და გარემოსდაცვით საკითხებთან დაკავშირებით ცნობიერების ამაღლებას.

​

პროექტის ფარგლებში დიდი ყურადღება დაეთმობა ასევე ტექნიკური საგნებით დაინტერესებული გოგონების ჩართულობას და მათ დაინტერესებას ენერგეტიკის სექტორში არსებული კარიერული შესაძლებლობებით.