ჩვენი გუნდი
გიორგი აბრამიშვილი
აღმასრულებელი დირექტორი & გამგეობის თავჯდომარე
გიორგი აბრამიშვილი კერძო სექტორში 1998 წლიდან მოღვაწეობს, ხოლო ენერგეტიკის სფეროს 2012 წლიდან შეუერთდა.
2012-2014 წლებში, გიორგი „ნამახვანჰესის“ პროექტის გენერალური დირექტორის პოზიციას იკავებდა. სწორედ ამ პერიოდში, მისი ხელმძღვანელობით, განხორციელდა „ნამახვანჰესისთვის“ დამატებითი კვლევები და მოხდა პროექტის ოპტიმიზაცია, საერთაშორისო სტანდარტების მიხედვით, რათა პროექტი გამხდარიყო ინვესტორებისთვის მიმზიდველი.
2014 წლიდან გიორგიმ დააფუძნა „ენერჯი სოლუშენი“, რომელიც გახლავთ დეველოპერული და საკონსულტაციო კომპანია ჰიდროენერგეტიკის სფეროში.
მისი ხელმძღვანელობით განვითარდა და აშენდა რამოდენიმე მცირე ჰესი, უკანასკნელი 2020 წელს ექსპლუატაციაში შევიდა, 16 მეგავატიანი ჰესი, სვანეთში. პროცესი მიმდინარეობდა საერთაშორისო ინვესტორების და საფინანსო ინსტიტუტების ჩარტულობით და ყველა მიმართულებით დასავლური მაღალი სტანდარტების გათვალისწინებით.
აგრეთვე გიორგი წამყვან პოზიციებს იკავებდა გარდაბნის თბოსადგურსა და საქართველოს ენერგეტიკის განვითარების ფონდში.
2012 წლამდე ჰოლანდიელ პარტნიორებთან ერთად, გიორგი წარმატებით ხელმძღვანელობდა დეველოპერულ კომპანიას, უძრავი ქონების მშენებლობის მიმართულებით - Dutch House Georgia - DHG. ასევე, პროგრამებს სოფლის მეურნეობის განათლების განვითარების მიმართულებით, გერმანიის ტექნიკური თანამშრომლობის დაფინანსებით - GIZ.
გიორგი აბრამიშვილი სწავლობდა გერმანიაში - University of Saarland. ამასთან ერთად, გიორგიმ, 2014 წელს კოლორადოს უნივერისტეტში საერთაშორისო ენერგეტიკის მენეჯმენტის კურსები გაიარა. იგი ასევე ფლობს ივანე ჯავახიშვილის სახელობის თბილისის სახელმწიფო უნივერსიტეტის არქეოლოგიური ფაკულტეტის ბაკალავრის დიპლომს.
მატა გორდეზიანი
პროექტების მენეჯერი
მატა გორდეზიანი GREDA-ს პროექტების მენეჯერია. GREDA-ში გადმოსვლამდე, 2 წლის განმავლობაში, მუშაობდა სს „საქართველოს ინდუსტრიული ჯგუფის“ შვილობილ კომპანიაში — „საქართველოს საერთაშორისო ენერგეტიკული კორპორაცია“.
2019 წელს, მატა „საქართველოს საერთაშორისო ენერგეტიკულ კორპორაცას“
სტაჟიორის როლში შეუერთდა. 6-თვიანი სტაჟირების გავლის შემდეგ კი, ჰიდროენერგო დეპარტამენტში სპეციალისტის პოზიციაზე დაინიშნა. მის მოვალეობაში 8 მცირე ჰესის ექსპლუატაციის საკითხების უზრუნველყოფა და ახალი პროექტების განხორციელება შედიოდა.
2021 წლის მარტიდან, მატამ GREDA-ს პროექტების კოორდინატორის პოზიცია დაიკავა.
მან 2020 წელს მიიღო მაგისტრის წოდება ჰიდროენერგეტიკისა და ელექტროინჟინერიის განხრით. იგი ასევე ფლობს საქართველოს ტექნიკური უნივერსიტეტის ენერგეტიკისა და ტელეკომუნიკაციის ფაკულტეტის, ბაკალავრის ხარისხის დიპლომს.
ირინა პეტრიაშვილი
აღმასრულებელი დირექტორის მოადგილე
ირინა პეტრიაშვილი საქართველოს განახლებადი ენერგიის განვითარების ასოციაციას 2022 წლის მარტში შემოუერთდა.
ირინა 15-წლიანი გამოცდილების მქონე
სტრატეგიული კომუნიკაციების სპეციალისტია. მისი კარიერა დაიწყო კიევში, უკრაინაში, სადაც მუშაობდა ბრენდ მენეჯერის და საზოგადოებასთან ურთიერთობის ხელმძღვანელის პოზიციებზე ისეთ ცნობილ საავტომობილო ბრენდებთან, როგორებიცაა Porsche, Volvo, Jaguar, Nissan და Peugeot.
ბოლო ხუთი წლის განმავლობაში ირინა იკავებდა კომუნიკაციებისა და დაინტერესებული მხარეების ჩართულობის მენეჯერის პოზიციებს ნენსკრასა და ნამახვანის ჰიდროელექტროსადგურების პროექტებზე, რომლებიც საქართველოში უმსხვილეს ჰიდროენერგეტიკულ პროექტებს წარმოადგენენ. ის ასევე ავსტრალიურ საინჟინრო-საკონსულტაციო კომპანიაში კავკასიის, ცენტრალური აზიისა და სამხრეთ აზიის ქვეყნების მარკეტინგსა და კომუნიკაციებს ხელმძღვანელობდა.
ირინას ფლობს კიევის ტარას შევჩენკოს სახელობის ეროვნული უნივერსიტეტის მაგისტრის ხარისხს (სპეციალობა - არაბული და ინგლისურ ფილოლოგია), ამჟამად კი სწავლობს საქართველოს საზოგადოებრივ საქმეთა ინსტიტუტის (GIPA) საზოგადოებრივი ურთიერთობების სამაგისტრო პროგრამაზე.
ქეთი ქიტიაშვილი
საზოგადოებასთან ურთიერთობის
მენეჯერი
ქეთი ქიტიაშვილი საქართველოს განახლებადი ენერგიის განვითარების ასოციაციას 2022 წლის აპრილში შემოუერთდა.
მას ენერგეტიკის სექტორში მუშაობის 8-წლიანი გამოცდილება აქვს. ქეთი საქართველოს ენერგეტიკის სამინისტროში მინისტრის მოადგილის თანაშემწის პოზიციას იკავებდა. ასევე მუშაობდა კავკასიის მილსადენის გაფართოების (SCPx) პროექტზე და მცირე ჰიდროელექტროსადგურების პროექტებზე. ის ნენსკრა ჰესის პროექტზე საზოგადოებასთან და მედიასთან ურთერთობის მიმართულებით მუშაობდა.
ქეთის ასევე არასამთავრობო ორგანიზაციაში საგანმანათლებლო და სამოქალაქო საზოგადოების განვითარების პროექტებზე მუშაობის გამოცდილება აქვს.
ის ხელმძღვანელობდა კომუნიკაციის მიმართულებას და პასუხისმგებელი იყო ბენეფიციარებთან, დონორებთან,
მხარდამჭერებთან, მედიასთან და სხვა დაინტერესებულ მხარეებთან ურთიერთობაზე.
2020 წელს ქეთიმ საქართველოს საზოგადოებრივ საქმეთა ინსტიტუტის (GIPA) საზოგადოებრივი ურთიერთობების
მაგისტრის ხარისხი მოიპოვა. მას ასევე მოპოვებული აქვს ნიდერლანდების უმაღლესი განათლების თანამშრომლობის (NUFFIC) სტიპენდია, რომლის ფარგლებშიც წარმატებით დაასრულა საერთაშორისო კორპორაციული ურთიერთობების მოკლევადიანი კურსი ნიდერლანდებში.
ეკა კიკაძე
იურისტი
ეკა კიკაძე 2019 წლიდან მუშაობს „საქართველოს განახლებადი ენერგიების განვითარების ასოციაციაში“, იურისტის პოზიციაზე.
ამავე წლიდან, პარალელურად, მუშაობს იურისტად „ავსტრიან ჯორჯიან დეველოპმენტში“, რომელიც წარმოადგენს სამშენებლო-დეველოპერულ კომპანიას და განხორციელებული აქვს 16 მგვტ დადგმული სიმძლავრის ლახამი 1 და ლახამი 2 ჰესების პროექტი.
2011-2019 წლებში, ეკა “დარიალი ენერჯი“-ში მუშაობდა. მისი საქმიანობა მოიცავდა კომპანიის იურიდიული საკითხების წარმართვასა და ზედამხედველობას. 2013-2019 წლებში კი, ეკა ამ ორგანიზაციის გარემოსდაცვით და სოციალურ დეპარტამენტსაც ზედამხედველობდა. სწორედ ამ პერიოდში მოიპოვა კომპანიამ ევროპის რეკონსტრუქციის და განვითარების ბანკისგან ვერცხლის ჯილდო, საუკეთესო გარემოსდაცვითი და სოციალური პრაქტიკისათვის (EBRD Sustainability Award 2017).
2017-2019 წლებში, იურიდიულ კონსულტაციას უწევდა „ონი კასკადს“.
ეკა კიკაძეს ჰიდროენერგეტიკულ პროექტებში იურისტად მუშაობის 10-წლიანი გამოცდილება აქვს.
2008 წელს, მიიღო ივანე ჯავახიშვილის სახელობის თბილისის სახელმწიფო უნივერსიტეტის სამართალმცოდნეობის ფაკულტეტის დიპლომი, 2011 წელს კი, კავკასიის უნივერსიტეტის სამართლის სკოლაში, სამოქალაქო სამართლის სპეციალიზაციით, მაგისტრის ხარისხი მოიპოვა. გარდა ამისა, 2018 წელს, გაიარა ჰარვარდის უნივერსიტეტის ონლაინ სწავლების სასერთიფიკატო კურსი სახელშეკრულებო ურთიერთობათა მიმართულებით.
ამავდროულად, 2013 წლიდან, საქართველოს ადვოკატთა ასოციაციის წევრია.
ხატია ბრეგვაძე
ადმინისტრაციის მენეჯერი
ხატია ბრეგვაძე ,,საქართველოს განახლებადი ენერგიების განვითარების ასოციაციაში”, ადმინისტრაციის მენეჯერის პოზიციაზე, 2020 წლიდან მუშაობს.
პარალელურად, 2019 წლიდან, შპს ,,ავსტრიან ჯორჯიან დეველოპმენტის” თანამშრომელია და ადმინისტრაციის მენეჯერის თანამდებობას იკავებს.
2017-2019 წლებში, იყო შპს ,,ენერგო არაგვი ინჟინერიას” ტოპოგრაფი. მის მოვალეობაში შედიოდა ტოპოგრაფიული/დაკვალვითი სამუშაოები და ნახაზების დამუშავება.
2017-2018 წლებში, პარალელურად, საქმიანობდა შპს ,,ჰიდრო ფაუერ ჯორჯიაში” და ,,ხადა ჰესის’’ ტოპოგრაფიულ სამუშაოებს ახორციელებდა.
მინიჭებული აქვს ივანე ჯავახიშვილის სახელობის თბილისის სახელწიფო უნივერსიტეტის აღმოსავლეთმცოდნეობის, ბაკალავრის აკადემიური ხარისხის დიპლომი.
მაკა ფარცვანია
აფილირებული ექსპერტი
იურიდიულ საკითხებში
მაკა ფარცვანია “საქართველოს განახლებადი ენერგიის განვითარების ასოციაციის” აფილირებული ექსპერტია ენერგეტიკულ საკითხებში.
ის GREDA-ს საკანონმდებლო ინიციატივის "განახლებადი ენერგიის პროექტების ზემოქმედების არეალში მცხოვრები ადგილობრივ თემებთან გრძელვადიანი სარგებლის განაწილების შესახებ" ავტორია.
მაკას ენერგეტიკის სფეროში 14 წლიანი სამუშაო გამოცდილება აქვს. 2018-2019 წლებში მიწვეული იყო ექსპერტად ენერგეტიკული გაერთიანების მხარდაჭერილ პროექტში - “ბუნებრივი გაზის გადაცემის ტარიფის გაანგარიშების მეთოდოლოგიის შემუშავება”. ასევე, 2019 წელს „მსოფლიო გამოცდილება საქართველოსთვის“ (WEG) მიერ მიწვეულ იქნა ექსპერტად USAID მხარდაჭერილ პროექტში - “ენერგეტიკის სექტორის შეფასება და საჭიროებების ანალიზი.”
2000 წელს მაკას მიენიჭა მაგისტრის წოდება თბილისის ივ. ჯავახიშვილის სახელობის სახელმწიფო უნივერსიტეტის დამთავრებით და 2004 წელს დაამთავრა ბერლინის თავისუფალი უნივერსიტეტი - Magistra legume (LL.M.). ის ასევე იაპონიის საერთაშორისო თანამშრომლობის სააგენტოს (JICA) კურსდამთავრებული და სულხან-საბა ორბელიანის უნივერსიტეტის დოქტორის ხარისხის კანდიდატია. მისი კვლევის ძირითადი სფერო ენერგეტიკის სამართალია.
2018-2019 წლებში კითხულობდა ლექციებს ადმინისტრაციული სამართლის პროცესის და ენერგეტიკის სამართლის მიმართულებით.
მაკა საქართველოს ადვოკატთა ასოციაციის წევრია.
სალომე მეფარიშვილი
გარმოსდაცვითი სპეციალისტი
სალომე მეფარიშვილი ,,საქართველოს განახლებადი ენერგიების განვითარების ასოციაციაში” გარემოსდაცვითი სპეციალისტია.
მას გარემოს დაცვის მიმართულებით 8-წლიანი სამუშაო გამოცდილება აქვს. 2014 წლიდან მუშაობდა სსიპ „ალ. ჯანელიძის გეოლოგიის ინსტიტუტში“. პარალელურად მონაწილეობდა საერთაშორისო გეოლოგიურ კონფერენციებსა და სამეცნიერო კვლევებში.
2017 წელს საქართველოს მეცინერებათა ეროვნული აკადემიის ჟურნალში გამოიცა სტატია „კავკასიონის კიდურა ზღვის აღმოსავლეთ აუზის ზედა ცარცული ფორმაციის ფლიშური ხასიათის და წარმოშობის ზოგიერთი ხასიათის“ შესახებ, რომელიც მისი მონაწლეობით შეიქმნა.
მას ასევე „გამა კონსალტინგში“ გარემოსდაცვითი სპეციალისტის პოზაციაზე მუშაობის გამოცდილება აქვს. სალომე ასევე ჰიდროელექტრო სადგურების და სხვადასხვა საწარმოების გარემოსადაცვითი დოკუმენტაციების მომზადებაზე მუშაობდა. გარდა ამისა, მას საწარმოების გარემოსდაცვითი მმართველის პოზიციაზე მუშაობის გამოცდილება აქვს.
სალომე ფლობს საქართველოს ტექნიკური უნივერისტეტის მაგისტრის აკადემიურს ხარისხს გეოლოგიაში.
