ნახიდური ჰესი
შპს’’ ნახიდური ჰესი’’ ახორციელებს ბოლნისის მუნიციპალიტეტში მდ. ხრამზე 7,2 მგვტ დადგმული სიმძლავრის დერივაციული ტიპის ჰიდროელექტროსადგურის (ნახიდური ჰესის) მშენებლობისა და ექსპლუატაციის პროექტს მდ. ხრამზე ბოლნისის და თეთრიწყაროს მუნიციპალიტეტების საზღვარზე, სოფ. ნახიდურის მიმდებარედ.
მდ. ხრამის მარცხენა სანაპირო შედის თეთრიწყაროს მუნიციპალიტეტში, ხოლო მარჯვენა სანაპირო ბოლნისის მუნიციპალიტეტში. მის შემადგენლობაში შედის: სათავე ნაგებობა, თევზსავალი, სადაწნეო მილსადენი, მიწისზედა ჰესის შენობა და გამყვანი არხი.
პროექტის ფარგლებში დაგეგმილია დღე-ღამური რეგულირების ტიპის ჰესის მოწყობა. სათავე კვანძის მოწყობა გათვალისწინებულია ზღვის დონიდან 445 მ ნიშნულზე, დაგეგმილია 18 მ სიმაღლის წყალსაშვიანი კაშხლის მოწყობა, აღნიშნული ჰიდროელექტროსადგური გამოიმუშავებს 51 მლნ კვ/სთ-ს, მშენებლობის ხანგრძლივობა შეადგენს 30 თვეს, პროექტის განხორციელების ინვესტიცია შეადგენს 16 მილიონ აშშ დოლარს. პროექტი განხორციელდა "საქართველოს ბანკის" ხელშეწყობით.
2026 წელს იგეგმება აღნიშნული ობიექტის დამთავრება და ექსპლუატაციაში გაშვება. საქართველოში მიმდინარე ენერგეტიკული პროექტებისგან განსხვავებით, ნახიდური ჰესი რეგულირებადია და ვფიქრობთ მეტად საჭირო და მნიშვნელოვანია საქართველოს ენერგეტიკული სისტემისათვის.